საქართველოს სტუდენტური პარლამენტისა და მთავრობის წევრებისათვის საერთაშორისო განათლების აკადემია BDC-ში გაიმართა პირველადი სამედიცინო დახმარების მასტერკლასი. ტრენინგის მიზანი იყო მონაწილეებისათვის იმ აუცილებელი ცოდნისა და პრაქტიკული უნარების გადაცემა, რომელიც კრიტიკულ სიტუაციებში სიცოცხლის გადარჩენას უწყობს ხელს. მონაწილეებმა მიიღეს როგორც თეორიული, ასევე პრაქტიკული გამოცდილება.პრაქტიკული სავარჯიშოების მეშვეობით მონაწილეებმა შეძლეს ცოდნის რეალურ გარემოსთან მაქსიმალურად მიახლოებული პირობებში გამოცდა, რაც მათ თავდაჯერებულობას მნიშვნელოვნად ზრდის.ბიდისი აკადემია კვლავ აგრძელებს ახალგაზრდების განათლებასა და განვითარებაზე ზრუნვას, მსგავსი მნიშვნელოვანი ტრენინგების ორგანიზებით. აკადემია აქტიურად უწყობს ხელს პრაქტიკული ცოდნის გავრცელებას და ქმნის გარემოს, სადაც მსმენელები არა მხოლოდ თეორიას ეუფლებიან, არამედ რეალურ სიტუაციებში მოქმედების უნარებსაც ივითარებენ.
