ფულის გლობალური კვირეულის ფარგლებში საქართველოს ეროვნული ბანკისა და მის მიერ დაარსებული ფინანსური განათლების პლატფორმის, www.finedu.gov.ge – ფინედუს ორგანიზებით ახალ საგანმანათლებლო კამპანია დაიწყო, რომლის ფარგლებშიც, ფინედუს მიერ მომზადებული ტრენერები ვაკო ყორღანაშვილის ორგანიზებით საერთაშორისო განათლების აკადემია ბიდისის ესტუმრნენ და ჩვენი სტუდენტებისათვის ფინანსური განათლების თემებზე ტრენინგი ჩაატარეს.

ტრენინგი ჩატარდა და განხილული იქნა ფინანსური განათლების სხვადასხვა საკითხი: დაზოგვა, ბიუჯეტირება, ფინანსური უსაფრთხოება.

ზემოაღნიშნული შეხვედრა საკმაოდ საინტერესო, ნაყოფიერი და ინფორმაციული გახლდათ. ტრენინგის მიმდინარეობისას სტუდენტებს გადაეცათ სახელმძღვანელოები და მონაწილეობის დამადასტურებელი სერტიფიკატები.

აქვე, აუცილებლად აღსანიშნავია, რომ ტრენინგის მიმდინარეობისას არამხოლოდ თეორიული ინფორმაციის გაზიარება მოხდა სტუდეტთათვის, არამედ დაკომპლექტებული გახლდათ საკმაოდ საინტერესო, აქტიური და შემეცნებითი პრაქტიკული აქტივობებით.

საერთაშორისო განათლების აკადემია ბიდისი მადლობას უხდის საქართველოს ეროვნული ბანკი • National Bank of Georgia-ს, FinEdu – ფინედუ-სა და Vako Korghanashvili-ს ასეთი საინტერესო და ღირებული ტრენინგის ორგანიზებისა და წარმატებით წარმართვისათვის.