საერთაშორისო განათლების აკადემია „ბიდისი“ – ს ქუთაისის ფილიალში 19 ივლისს წარმატებით ჩატარდა „პირველადი გადაუდებელი სამედიცინო დახმარების“ მასტერკლასი, რომელსაც წარუძღვა საგანგებო სიტუაციების კოორდინაციისა და გადაუდებელი დახმარების სფეროს გამოცდილი სპეციალისტი და „ბიდისი“ აკადემიის მენტორი — ლუკა გედევანიშვილი.

ტრენინგი მოიცავდა როგორც თეორიულ ნაწილს, ასევე პრაქტიკულ სიმულაციებს, რეალურ სიტუაციებზე დაყრდნობით.

მასტერკლასის ფარგლებში განხილულ იქნა შემდეგი მნიშვნელოვანი თემები:

სისხლდენის მართვა;

დახრჩობის პრევენცია;

გულ-ფილტვის რეანიმაცია;

ჭრილობების, დამწვრობების და პირველადი ტრავმების მართვა;

უცხო სხეულის ამოღების ტექნიკები, როგორც ზრდასრულებში, ასევე ბავშვებში.

პროცესი წარიმართა ინტერაქტიულად — მონაწილეებმა პრაქტიკულად გამოიყენეს სწორი ტექნიკები და შეიძინეს უნარები, რომლებიც შესაძლოა სიცოცხლის გადარჩენაში გადამწყვეტი იყოს.

მასტერკლასის მთავარი მიზანი იყო — გავზარდოთ მოქალაქეთა ინფორმირებულობა და მზაობა რეაგირებისთვის.

მადლობა თითოეულ მონაწილეს და ჩვენს სტუმრებს ჩართულობისა და ენთუზიაზმისთვის!